Што да очекувам на терпија? - Прва средба
Се одличи за терапија? О д л и ч е н избор! Но, самото одење на терапија носи одредени очекувања и од таму одредени разочарувања доколку тие очекувања не се исполнети. Па од таму ајде да разговараме - со какви очекувања одиме на терапија, и од таму, како да намалиме разочарување?
Прво мора да се знае дека да, на терапија треба да сме отворени, да зоруваме за нашите искуства и чувства, но терапијата е повеќе од тоа. Терапијата е и за учење нови обрасци на однесување и техники за справување со одреден тип на промени, за кога и биле надвор од терапија, да можеме сами да се справиме со тие проблеми. И второ, подеднакво важно, кое треба да се знае е, дека терапијата е индивидуален процес и за секој е различен. И следно, секоја сесија може да биде многу различна од секоја следна. И тоа е во ред, така и треба да биди.
Прва средба
Кога одиш на терапија прв пат, очекувај дека ќе зборуваш многу, и терапијата ќе наликува како средба со доктор. Терапевтот сака да те запознае, ќе поставува прашања и ќе те насочува така што ќе се обиде да те запознае. Ти ќе зборуваш најмногу. За разлика од првата средба на која со терапевтот се запознавате и правите план на идни активости кои ќе бидат преземени, идните сесии се потерапевтски на лик, и тоа што се планира од првата средба полека се спроведува во преостанатите. Во наредните средби е поверојатно да се откриe одредена траума, да се работи околу одреден симптом или пак да се разгледа некој аспект или потешкотија подетално.
Тука е многу важно да се запомни дека психотерапијата не открива ништо премногу од една средба туку е процес кој трае одреден период и се отпакува секоја сесија по малку. Не очекувајте никакви решенија, или пак инстант подобрување после една сесија.
На прва сесија терапевтот ќе те прашува прашања за да те насочи и да те запознае, како што веќе споменавме, дел од тие прашања може да изгледаат вака:
- Што те донесе тука?
- Кои се твоите симптоми?
- Колку долго ги имаш овие симптоми?
- Што мислиш дека е проблемот во твојот живот?
- Со која потешкотија се соочуваш?
- Вашата семејна историја,
- претходни врски ( пријателски и романтични),
- кариерни избори и сл.
„Некои денови се чувстувам како терапијата да ме исцедила и да ми ја зема цела енергија, додека други денови се чувстувам како да ми ги раширила крилјата и ме спреми за се што следува“
Важното тука е како ќе се справиме со овие емоции. Треба да си земиме време да ги размислиме. Да ги разграничиме и потоа на следна сесија да ги разговараме со нашиот терапевт. Да му кажиме што чувствувавме од после и какви импресии и заклучоци донесовме во периодот меѓу сесии.
Се надевам дека ова ве запозна со првата средба и во наредниот текст ќе зборуваме за како би извадиле максимум од терапијата и очекувања кои треба да ги имаме додека одиме таму.
Користена литература:
https://www.mind.org.uk/information-support/drugs-and-treatments/talking-therapy-and-counselling/what-happens-in-therapy/
https://www.verywellmind.com/psychotherapy-101-p2-1067403
https://www.sanvello.com/blog/what-to-expect-from-therapy/
Comments
Post a Comment